Melbourne stars vs sydney thunder: Cricket News & Match Updates
பிபிஎல் 2024-25: மெல்போர்ன் ஸ்டார்ஸை வீழ்த்தி சிட்னி தண்டர் அசத்தல் வெற்றி!
பிக் பேஷ் லீக் தொடரின் 14ஆவது சீசன் விறுவிறுப்பாக நடைபெற்று வரும் நிலையில் இன்று நடிபெற்ற 14ஆவது லீக் ஆட்டத்தில் மெல்பொர்ன் ஸ்டார்ஸ் மற்றும் சிட்னி தண்டர் அணிகள் பலப்பரீட்சை நடத்தின. கான்பெர்ராவில் நடைபெற்ற இப்போட்டியில் டாஸ் வென்ற மெல்போர்ன் ஸ்டார்ஸ் அணி முதலில் பந்துவீசுவதாக அறிவித்து சிட்னி தண்டர் அணியை பேட்டிங் செய்ய அழைத்தது.
இதனையடுத்து முதலில் விளையாடிய தண்டர் அணிக்கு கேப்டன் டேவிட் வார்னர் - கேமரூன் பான்கிராஃப்ட் இணை அதிரடியாக தொடங்கியதுடன் அணிக்கு தேவையான அடித்தளத்தை அமைத்துக் கொடுத்தனர். இதில் டேவிட் வார்னர் 18 ரன்களில் விக்கெட்டை இழக்க, மறுமுனையில் விளையாடி வந்த கேமரூன் பான்கிராஃப்ட் 21 ரன்களில் ஆட்டமிழந்தார். அவர்களைத் தொடர்ந்து களமிறங்கிய ஒலிவியர் டேவிஸூம் ரன்கள் ஏதுமின்றி நடையைக் கட்ட தண்டர் அணி 45 ஓவர்களில் 3 விக்கெட்டுகளை இழந்து தடுமாறியது. பின்னர் ஜோடி சேர்ந்த ஜேசன் சங்கா - சாம் பில்லிங்ஸ் இணை பொறுப்புடன் விளையாடி விக்கெட் இழப்பை தடுத்தனர்.
Related Cricket News for Melbourne stars vs sydney thunder - Tesst
