Nz vs sl t20
டி20 தரவரிசை: முதலிடத்தைப் பிடித்தார் சூர்யகுமார் யாதவ்; ரசிகர்கள் கொண்டாட்டம்!
ஆஸ்திரேலியாவில் விறுவிறுப்பாக நடைபெற்று வரும் ஐசிசி டி20 உலக கோப்பை தொடரின் சூப்பர் 12 சுற்று இறுதிக்கட்டத்தை எட்டியுள்ளது. இதில் இரண்டாவது கோப்பையை வெல்லும் லட்சியத்துடன் விளையாடி வரும் ரோகித் சர்மா தலைமையிலான இந்தியா தன்னுடைய முதல் 3 போட்டிகளில் 2 வெற்றியும் 1 தோல்வியும் பதிவு செய்துள்ளதால் எஞ்சிய போட்டிகளில் வென்றாக வேண்டிய நிர்பந்தத்தில் விளையாடி வருகிறது. இந்த தொடரில் பேட்டிங் வரிசையில் ஃபார்முக்கு திரும்பிய விராட் கோலியுடன் சூரியகுமார் யாதவ் மட்டுமே அட்டகாசமான ஃபார்மில் மிகச் சிறப்பாக விளையாடி வருகிறார்.
எப்படி போட்டாலும் மைதானத்தின் நாலாபுறமும் சுழன்றடிக்கும் சூர்யகுமார் யாதவை ரசிகர்களும் வல்லுனர்களும் இந்தியாவின் ஏபிடி என கொண்டாடும் நிலையில் கடந்த ஒன்றரை வருடங்களில் இதர இந்திய வீரர்களை காட்டிலும் டி20 கிரிக்கெட்டில் அதிகபட்சமாக 6 ஆட்டநாயகன் விருதுகளை வென்ற அவர் மளமளவென குறைந்த போட்டிகளிலேயே தரவரிசையில் உலகின் நம்பர் 2 பேட்ஸ்மேனாக முன்னேறி முதலிடத்தில் இருந்த முகமது ரிஸ்வானுக்கு போட்டியளித்து வந்தார்.
