Australia cricket team
அந்த நாளுக்காக காத்திருக்கிறேன் - நாதன் லையன்!
பாகிஸ்தான் அணிக்கு எதிராக சொந்த மண்ணில் நடைபெற்ற வரும் 3 போட்டிகள் டெஸ்ட் கிரிக்கெட் தொடரின் முதல் போட்டியில் ஆஸ்திரேலியா 360 ரன்கள் வித்தியாசத்தில் வென்றது. அந்த வெற்றியில் நட்சத்திர சுழல் பந்து வீச்சாளர் நேத்தன் லயன் 5 விக்கெட்டுகள் எடுத்து முக்கிய பங்காற்றியதுடன் சர்வதேச டெஸ்ட் கிரிக்கெட்டில் 500 விக்கெட்டுகளை எடுத்த 3ஆவது ஆஸ்திரேலிய வீரர் என்ற சாதனையையும் படைத்தார்.
ஆரம்பத்தில் மைதான பராமரிப்பாளராக இருந்த அவர் நாளடைவில் கிரிக்கெட்டின் மீதான ஆர்வத்தால் ஸ்பின்னராக விளையாட தொடங்கிய அவர், இன்று ஷேன் வார்னேவுக்கு பின் 500 விக்கெட்டுகளை எடுத்த 2ஆவது ஆஸ்திரேலிய ஸ்பின்னர் என்ற மகத்தான சாதனையை படைத்துள்ளார். முன்னதாக அந்த போட்டி தொடங்குவதற்கு முன்பாக இந்தியாவின் நட்சத்திர சுழல் பந்து வீச்சாளர் ரவிச்சந்திரன் அஸ்வின் தம்முடைய மிகப்பெரிய பயிற்சியாளராக இருந்து வருவதாக நேதன் லையன் வெளிப்படையாக பாராட்டினார்.
